Tv-serien Vaffelhjarte er nominert til Kidscreen Awards i klassa realfilm eller blanda serie. Vaffelhjarte er basert på barneboka til Maria Parr.
Vaffelhjarte handlar om bestevennene Trille og Lena som er dei einaste barna på heimplassen sin. Boka vart filmatisert i på fugleøya Runde og i Vanylven kommune på Sunnmøre og vart vist på norsk tv første gong hausten 2011.
Maria Parr har hatt stor suksess med barnebøkene sine, og Vaffelhjarte er seld til 16 land, mellom anna Storbritannina, Kina, Japan og USA.
Om tv-serien får nokon pris på Kidscreen Awards blir klart i morgon, onsdag. Her er også NRK si satsing BlimE! nominert, og kanalen har dessutan heile tre seriar som kan få prisar under Emmy Kids Awards i New York på fredag, melder VG.no.
