Eika lanserer no mobilbank på nynorsk.
25 april lanserer Eika, tidlegare Terra-alliansen, mobilbank på nynorsk.
– Det vil seie at kunden no kan velje kva målform dei ynskjer, seier informasjonsrådgjevar i Eika, Trine Hoel Winther.
Les også: Grønt lys for nynorsk nettbank
Fleire av dei omlag 80 lokalbankane som er med i nettverket har tidlegare etterlyst nynorskversjon av nettbank og mobilbank.
– Mange kunder har etterlyst nynorske versjonar og me er stolte over å vere ein av dei første bankane i landet som tilbyr kundane val av målform i mobilbanken. I løpet av året vil me også lansere nynorskversjon av nettbank og heimeside, lovar Winther.
Utviklinga av den nynorske mobilbanken har vore eit dugnadsprosjekt mellom Eikagruppa og alliansebankane i Eika.
– Me har difor ikkje hatt dei store kostnadane, seier Trine Hoel Winther.
Alliansebankane har omlag 45 000 kundar som brukar mobilbanken dagleg.
