Meir bokmål gir ekstra utgifter.
Meland kommune har mange innflyttarar frå Bergen som ynskjer bokmålsklassar. Det gir økonomiske utfordringar.
– Det høyrest kanskje rart ut, men oppretting av bokmålsklassar er dyrt for oss. Ein klasse kostar ein halv million kroner. I dag har vi femten klassar, seier ordførar Nils Marton Aadland (H) til Bergensavisen.
Rektor Magne Lædre ved Sagstad skule slår også fast at bokmål er populært. Dei siste to åra har ein tredjedel av elevane hatt ynskje om bokmål som hovudmål, seier han til Bergensavisen.
Meland kommune har 7500 innbyggarar og er ein av kommunane i Hordaland som slit aller mest med økonomien, skriv Bergensavisen.
