Uvissa knytt til finansiering i kommunereforma er rydda av vegen. No lovar Jan Tore Sanner (H) gylne tilskot til kommunar som slår seg saman.
Folkefattige kommunar har vore spesielt bekymra for kva for tilskot dei vil få dersom dei slår seg saman med ein annan kommune, skriv Kommunal Rapport.
Regjeringa har nemleg varsla innstrammingar i tilskot til kommunar med få innbyggjarar. No blir all uvisse rydda av vegen av kommunalministeren.
– Regjeringa har avgjort å endre praksis, slik at inndelingstilskotet for kommunar som slår seg saman i kommunereforma skal ta utgangspunkt i inntektssystemet slik det er i 2016, seier Sanner til Kommunal Rapport.
Det betyr til dømes at ein ny kommune samanslått av tre kommunar vil få det statlege 2016-tilskotet til dei tre kommunane i 15– 20 år. Det får dei dersom dei vedtek samanslåing seinast sommaren 2016 – innan kommunereforma. (©NPK)
