Den ferske Facebook-kommunen, Søgne i Vest-Agder, vil bruka Facebook til høyringar.
– Når vi no snart skal revidera kommuneplanen, er det mitt ønske at befolkninga skal kunna koma med innspel via Facebook. Slik håpar vi å engasjera dei som normalt sett ikkje deltek, seier rådmann Kim Høyer Holum til Fædrelandsvennen.
Også ordførar Solveig K. Larsen meiner det er viktig å vera på Facebook for å nå ut til flest mogleg innbyggjarar i kommunen. Kommunale nettsider er ikkje lenger nok, slår ho fast. ¨
Nationen fortalde nyleg at berre éin av fire kommunar har teke i bruk sosiale mediim for å nå ut til innbyggjarane. Men på Sørlandet er trenden no i ferd med å breia om seg. Fædrelandsvennen skriv at fire av seks kommunar i Knutepunkt Sør no er på Facebook. (©NPK)
