Biblioteket på Voss har fått kr 100 000,- til formidling av nynorsk litteratur av Fritt Ord, skriv avisa Hordaland.
Biblioteksjef Inger Dyrnesli og bibliotekar Asbjørn Ramsøy er svært nøgde med tildelinga frå Fritt Ord. Dei lovar spennande program i Voss bibliotek neste år. Midlane vart utlyste i samband med at det i 2013 er 200 år sidan Ivar Aasen vart fødd. Heile 92 folkebibliotek søkte om midlar til aktivitetar med fokus på nynorsk litteratur, og Voss bibliotek var ein av 44 søkjarar som nådde fram.
Biblioteksjef Inger Dyrnesli fortel til avisa Hordaland at dei vil nytta midlane til å fokusera på nynorske kvinnelege forfattarar, i og med at det i 2013 er 100 år sidan kvinner fekk stemmerett i Noreg. I tillegg planlegg dei eit større Jon Fosse-arrangement.
Bilete: Daniel Melve Kvarme/Avisa Hordaland.
Les heile saka her.
