Eleverådet ved Fagerlia videregående skole i Ålesund oppmodar lærarane om å bruke meir nynorsk i undervisninga. – Vi ønskjer at nynorsken skal bli ein del av ungdomen sin natur, seier styremedlem Simon Molvær Grimstad til Sunnmørsposten.no.
Elevrådet er opptekne av at mange elevar med nynorsk som sidemål slit med språket, og no ber dei spesielt lærarar som sjølve har hatt nynorsk som hovudmål om å gjere ein innsats.
– Mykje av sidemålsundervisninga er for dårleg, og difor vil mange at sidemålet skal vere valfritt. Det er svært synd at så mange tenkjer slik om vårt flotte skriftspråk, seier Molvær Grimstad.
Elevrådet ønskjer at lærarane skal bruke nynorsk i all slags undervisning, ikkje berre i norsktimane. Det vil også vere ein fordel for dei som har nynorsk som hovudmål, meiner elevrådet.
