Berre ein elev i Oslo har valgt nynorsk som hovudmål dette skuleåret, skriv NRK Sogn og Fjordane.
Ho går på Kastellet skule i bydelen Nordstrand i Oslo. Åttandeklassingen kjem opprinneleg frå Russland, men budde på Vestlandet før ho flytta til Oslo, skriv NRK Sogn og Fjordane.
Til samanlikning var det i 2006 15 elevar som ville ha nynorsk som målform i Oslo. I skuleåret 2009-2010 har på landsbasis 13 prosent av alle elevane i grunnskulen nynorsk som målform. Dei siste ti åra har talet på nynorskbrukarar minka med 2 prosentpoeng.
Det er berre Sogn og Fjordane og Møre og Romsdal som har overvekt av nynorsk-elevar. I Østfold, Akershus, Hedmark og Finnmark er det ingen elevar som har valgt nynorsk som målform dette skuleåret.
