Bonde Eli Blakstad er tilsett som statssekretær for kommunal-og regionalminister Liv Signe Navarsete (Sp).
Statssekretær Dag Henrik Sandbakken sluttar i jobben 1. februar 2013.
Eli Blakstad som tek over har tidlegare vore statssekretær i Olje- og energidepartementet ein periode i 2011. Ho har også hatt stillinga som administrerande direktør i Peer Gynt as, på Vinstra i Oppland. Ho driv familiegarden i Ringsaker og er utdanna agronom og autorisert rekneskapsførar. Blakstad har også vore medlem mellom anna av NHOs strategiske råd for reiselivsutvikling.
Ho har vore leiar for Oppland Senterparti og medlem av Oppland fylkesting, og hatt tillitsverv, også på sentralt nivå, i Senterpartiet.
