Heim Nyhende – Bortkasta med folkeavstemmingar

– Bortkasta med folkeavstemmingar

Professor meiner fleire av folkeavstemmingane om kommunesamanslåing er utan verdi. – Kommunane kunne heller brukt pengane på andre måtar, meiner Asbjørn Røiseland ved Nord universitet.

 

Røiseland meiner valdeltakinga i nokre kommunar har vore så låg at resultata er ubrukelege som råd til politikarane. I Narvik deltok til dømes éin av ti i avstemminga. Valdeltakinga var på 12,6 prosent. Det er den lågaste oppslutnaden blant dei 93 kommunane som så langt har gjennomført avstemming om kommunesamanslåing.

Låg deltaking

– Det er sørgjeleg lågt. Hadde kommunen visst at det ville bli så få, trur eg dei ville brukt pengane på noko anna, seier Asbjørn Røiseland, som er professor i statsvitskap, til NRK.

I 47 av dei 93 kommunane som har halde folkeavstemming, har deltakinga vore under 50 prosent.

Røiseland har ikkje eit klart svar på kor høg valdeltakinga bør vere, for at ho skal vere eit godt råd.

– Men kanskje ein peikepinn kunne vere folkeavstemminga om EU-medlemskap i 1994. Det var ein situasjon der heile landet var engasjert. Då var oppmøtet på 89 prosent. Kanskje det er det maksimale vi kan tenkje oss. Andre har sagt at 50 prosent held som grense. Men noko fagleg svar på det finst ikkje.

Dominoeffekt

No står om lag 70 folkeavstemmingar att rundt om i landet.

– Eg trur vi kjem til å sjå ein dominoeffekt. No har det vore relativt mange folkeavstemmingar som har enda med eit nei. Det gjer at det blir meir normalt å stemme nei. Derfor trur eg delen neistemmer vil auke framover. Det betyr at denne reforma – som ei frivilligheitsreform – kanskje allereie har havarert, seier professor Asbjørn Røiseland. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...