Erna Solberg sin draum om ei fireparti-regjering brast i går. No skal landet bli styrt av ei blå-blå regjering.
– Vi har i dag avslutta sonderingane mellom Høgre, Frp, KrF og Venstre. Sonderingane har gått føre seg i openheit og gjensidig respekt, og har bragt dei fire partia tettare kvarandre og bidratt til viktige politiske avklaringar og utforming av felles prosjekt, uttalte den påtroppande statsministeren Erna Solberg då regjeringspartia vart avklarte måndag kveld.
Les kva dei fire partia er blitt samde om
Solberg slo også fast at dette ikkje er slutten på fireparti-samarbeidet:
– Sjølv om me har hatt konstruktive samtalar og kome tettare på fleire politiske område har KrF og Venstre kome frem til at dei ikkje ser eit grunnlag for å vere med i regjering nå. Høgre og Frp starter nå reelle forhandlingar om ein regjeringsplattform og danning av ei ny regjering. Dette markerer ikkje slutten på eit samarbeid mellom dei fire partia, men snarare starten på eit nytt og forpliktande samarbeid.
