I ei ny meiningsmåling seier 51,8 prosent nei til EU. Likevel fekk dei mest EU-venlege partia flest stemmer til valet.
Det er ei meiningsmåling Sentio har gjort for Nationen og Klassekampen i veka før valet som syner at gruppa med EU-motstandarar har blitt større sidan sommaren. I august var nei-sida nede i 48,3 prosent.
Samstundes syner valresultatet at ja-partia Arbeidarpartiet, Høgre og Framstegspartiet til saman har eit solid fleirtal på Stortinget, medan nei-partia SV, Senterpartiet og Krf er svekka, melder Nationen.
