Folk flytta nesten like mykje som før i fjor trass i finanskrisa. Men folk flytta ikkje like ofte til dei større byane.
Førre gong Noreg vart råka av ei finanskrise på byrjinga av 1990-talet, flytta folk monaleg mindre på seg enn dei gjorde denne gongen. I 2009 flytta 200.500 personar mellom kommunar i Noreg, og mobiliteten var på nesten same nivå i fjor, viser tal frå Statistisk sentralbyrå.
Den største endringa i flyttemønsteret i 2009 var ein markert nedgang i nettoflyttinga frå Vestlandet til det lågaste nivået sidan 1971.
Trøndelag, Hedmark/Oppland og Agder/Rogaland hadde tilnærma like stor innflytting som utflytting.
Flytteoverskotet til Oslo og Akershus og Sør-Austlandet sokk, samstundes som folk flytta mindre ut av både Nord-Noreg og Vestlandet. Det samla flytteoverskotet til Oslo og Akershus og Sør-Austlandet var nede i 3.400, det lågaste sidan 1992. (NPK)
