Heim Nyhende - Snakk med oss

– Snakk med oss

– Det er viktig at ungdom opplever at dei blir snakka med, og ikkje berre til, seier Christina Nessa (19) som er leiar i AUF Rogaland.

Nessa deltok på opninga av Mot til å meina-konferansen i Stavanger i dag. AUF – leiaren er sikker på at ungdommen er politisk interesserte, men meiner det er viktig at politikarane har tid til å lytte til kva ungdommane meiner i viktige saker.

– Eg veit at ungdommane er engasjerte. Det har eg sett i heimkommunen min, Hjelmeland, også. Mange ungdommar engasjerte seg då ungdomsskulen i Årdal skulle leggast ned for eit par år sidan, og ikkje minst på grunn av ei dødsulykke i vinter på rv 13 som mange er avhengige av og må køyre på fleire gonger til dagen. Då klarte ungdommen å samle 600 demonstrantar for å betre vegen.

– Men det er mange som ikkje kjem på at dette er det same som politikk. Det er enklare for mange ungdommar å engasjere seg i enkeltsaker, enn i politikken, seier Nessa.

Christina Nessa rådar lokalpolitikarane til å møte ungdommane ansikt til ansikt.

– Besøk ungdommane på skulen. Og ikkje berre fortel korleis kommunestyra er oppbygde, men still spørsmål om kva ungdommane meiner i politiske saker.

AUF – leiaren oppfordrar også lokalpressa til å bli litt meir spenstig i dekninga av politikk.

– Det er altfor få kule overskrifter om handlar om politikk i lokalavisa, slår ho fast.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...

Rekordtal for nynorskinnhald i Store norske leksikon

I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman...

Miljøstøtte frå Vestland til Framtida Junior

Framtida Junior vil laga til miljøjournalistkurs for barn og unge fleire stader i Vestland no i haust, og gje ut ei miljøutgåve...