Den første veka i september skal Jølster i Sogn og Fjordane feire at det er 100 år sidan nynorsk blei innført i skulane i kommunen.
Det er kommunen og mållaget som saman står for 100-årsfeiringa, kan Noregs Mållag fortelje. Det skal mellom anna vere ei målveke der skulane, barnehagane og kyrkjene har eit spesielt fokus på nynorsk.
Fredag 2. september blir det kulturkveld med førsteamanuensis Jan Olav Fretlnad, songar Linda Øvrebø, professor Kristian Fossheim og ordførar Gerd Dvergsdal. I tillegg skal elevar frå musikkskulen og Vassenden skule framføre utdrag frå framsyninga ”Come as you are!”, der alle tekstane er omsette til nynorsk.
Dagen etter blir det skuletime i det gamle skulehuset i Gjesdalen med historiske tilbakeblikk på målsoga i Jølster. Lektor Kjell Hamar skal vise lysbilete og forfattar Ragnar Hovland har litterære innslag. På kvelden laurdag inviterer Jølster Mållag til skrønekveld på Fjøsen.
