I alt 21 kommunar får no pengar til å tilsetje nye psykologar for å styrkje tilbodet om psykisk helsehjelp.
Helse- og omsorgsdepartementet løyver 30 millionar kroner til ulike modellar for utprøving av psykologar i kommunehelsetenesta i 21 utvalde kommunar. Målet er å gjere psykisk helsehjelp meir tilgjengeleg for folk.
Ordninga er fleirårig og ein del av avtalen er at kommunane aukar innsatsen sin i tråd med nedtrappinga av det statlege tilskotet.
Modellane som blir utprøvde, er psykolog integrert i tenester som til dømes familiesenter, helsestasjon, skulehelsetenesta, helsestasjon for ungdom, helsestasjon for eldre, psykisk helseteneste for vaksne eller som samlokalisering med fastlækjar. (©NPK)
