Noreg har fått sin første professor i nyskaping og bygdeutvikling. Mannen er dr.philos. Dag Jørund Lønning, rektor ved Høgskulen for landbruk og bygdeutvikling (HLB).
Lønning har vore aktiv innan norsk og internasjonal forsking og utvikling på nyskaping og lokalsamfunnsutvikling i mange år. Han har skrive ti bøker og meir enn 30 forskingsartiklar og -rapportar, heiter det i ei pressemelding.
Høgskulen for landbruk og bygdeutvikling, som ligg på Jæren, tilbyr i dag, som den einaste høgare utdanningsinstitusjonen i Noreg, bachelorutdanning i bygdeutvikling. Denne utdanninga er tilgjengeleg via lokale studiesenter over heile landet. HLB arbeider også med planar om ein master innanfor lokalsamfunns- og bygdeutvikling. (©NPK)
