No satsar også fotballen på nynorsk. Iallefall i Sogn og Fjordane.
Sogn og Fjordane fotballkrets står bak eit initativ til å lage brosjyrar og infomateriell på nynorsk, skriv NRK Sogn og Fjordane.
– Vi er landets einaste nynorskspråklege krets. Det vil seie at vi utgjer eit mindretal på tre prosent i Norsk Fotball som brukar nynorsk som målform, seier dagleg leiar i Sogn og Fjordane fotballkrets, Svein Olav Myklebust til NRK.
Myklebust viser til at fleire klubbar har etterlyst materiell på nynorsk, og meiner det er viktig at folk i nynorskområde kan lese informasjonsmateriell på eiga målform.
