Sogn og Fjordane fylke må spare etter kutt i overføringane frå staten, og no ber fylkesrådmannen politikarane om å vurdere å reduserer talet på fylkestingspolitikarar.
Kvar av dei 39 fylkestingsrepresentantane kostar Sogn og Fjordane minst 100.000 kroner, skriv NRK.no. Talet inkluderer godtgjering og frikjøp frå arbeidsplass. Minstekravet til eit fylkesting som Sogn og Fjordane, er 19 medlemmer. Fylkesrådmannen vil at politikarane vurderer å redusere frå 39 til 31 representantar.
Fylkesvaraordførar Jenny Følling (Sp) meiner det er heilt naturleg å vurdere dette og vil ha ein gjennomgang av heile den politiske organiseringa. Gruppeleiaren til Høgre, Noralv Distad, er samd og meiner politikarane også må vise vilje til å spare. (©NPK)
