Fylkesmannen i Agder meiner Stor-Kristiansand må etablerast no, og at det på sikt berre bør vere fem kommunar i Agder.
I dag er det 30 kommunar i Agder, men fylkesmann Stein A. Ytterdahl meiner at talet bør reduserast til fem på sikt.
Ytterdal presenterte fredag anbefalinga si til ny kommunestruktur på Agder. Der sa han at dei fem kommunane bør vere Lister, Lindesnesregionen, Knutepunkt Sørlandet, Setesdal og Østre Agder, skriv Fædrelandsvennen.
Men allereie no meiner Ytterdal at Stortinget kan vedta Nye Kristiansand, ved å slå saman dei fem kommunane i Kristiansand-regionen, skriv NRK.
Han vil også slå saman dei tre kommunane i mandalsområdet, Mandal, Marnardal og Lindesnes – og i tillegg slå saman Vennesla og Iveland, i tillegg til Lyngdal og Audnedal.
