Det vart avlagt 27.554 godkjente elektroniske stemmer under kommunevalet i 2011, og e-valet vart gjennomførd på ein open og inkluderande måte, heiter det i ein fersk rapport frå OSSE.
Veljarar i dei ti kommunane Bodø, Bremanger, Hammerfest, Mandal, Radøy, Re, Sandnes, Tynset, Vefsn, og Ålesund fekk førehandsstemme på internett i 2011. Forsøket vart følgd nøye av ei ekspertgruppe frå OSSE som no har lagt fram sin rapport. Rapporten peiker på at det har vore tekniske utfordringar, men at desse for det meste er løyst greitt. Samstundes peiker OSSE på korleis gjennomføringa kan forbetrast.
– Innspela frå OSSE gir oss ny ttig kunnskap. Vi tar dette med oss i evalueringa av forsøket med e-val. Vi vil leggje frem ei stortingsmelding om elektronisk stemming hausten 2012. Då vil departementet gi tilrådingar om korvidt forsøk med elektronisk stemming skal vidareførast, seier statssekretær Dag-Henrik Sandbakken i kommunal- og regionaldepartementet i ei pressemelding.
