LNK fyller 20 år i år, og sjølv om det ikkje var noka stor sak på landstinget, passa det godt å setje pris på tidlegare og noverande leiarar.
Nils Taklo frå Ørsta vart vald til den første leiaren av LNK i 1993, og sat som leiar i 10 år. Han er den som har leia organisasjonen lengst. Jan Magne Dahle, også han frå Ørsta, tok over i 2003. Dahle gjekk av som leiar og ut av styret i 2011, men har hatt ei rolle som språkkonsulent i organisasjonen sidan 2008.
Astrid Myran Årvik, opphavleg frå Vinje, men den gongen busett i Hetlevik på Askøy, har vore leiar sidan landstinget på Sand i Suldal i 2011. Ho vart no avløyst av Solfrid Borge frå Ullensvang i Hardanger.
