Kommunal- og regionaldepartementet etablerer ein ny innovasjonspris som skal gå til ein kommune som vågar å tenkje nytt.
Prisen er utarbeidd i tråd med Regjeringa sin strategi for innovasjon i kommunesektoren – Nye vegar til framtidas velferd.
Prisen blir delt ut til ein kommune som har utmerka seg med å realisere innovative løysningar, bedra tenestene sine, og bidratt til å skape ein enklare kvardag for innbyggarane sine. Prisen skal delast ut sommaren 2014 og vinnaren vil få 500 000 kroner.
IT-gründer og teknologidirektør i Microsoft, Shahzad Rana, skal leie juryen som skal leite etter innovative og nyskapande kommunar. Søknadsfristen er 1. mars 2014.
