Kommunane gjer lite sjølve for å styrka samarbeidet med det frivillige, ifølgje KS og Frivillighet Norge.
Dei to organisasjonane har gjort ei spørjeundersøking der heile 93 prosent av kommunane seier at dei ynskjer å styrka samarbeidet med det frivillige. Men 60 prosent av kommunane har ikkje planar om å bruka meir ressursar på å få det til, og 32 prosent opplyser at dei har ein eigen politikk for det frivillige arbeidet.
– Alle vil ha kake, men ingen vil baka. Kommunane kan ikkje venta tettare samarbeid med det frivillige utan å leggja krefter i det, seier generalsekretær Birgitte Brekke i Frivillighet Norge i ei pressemelding.
Samarbeid mellom kommunane og det frivillige er tema for ein konferanse i regi av Frivillighet Norge torsdag. (©NPK)
