Kongsvinger kommune er kåra til årets kommunale nettstad i Difis årlege kåring.
Juryen peiker på at Kongsvinger framstår som ein utradisjonell og moderne representant for kommunane. Kongsvinger kommune har satsa stort på nettsider og bruk av sosiale medium dei siste åra, og kommunen har ved fleire høve blitt trekt fram som ein kommune i forkant.
Direktoratet for forvalting og IKT kårar kvart år offentlege nettstader i ulike kategoriar, og årets statlege nettstad vart Stortinget.no. Juryen meiner nettstaden si profilering og rutine med videooverføring av møte er eit døme til etterfølging. Tilgjengelegheitsprisen 2010 gjekk til Forskingsetiske komitear.
Alle norske kommunar får sine neytstader vurderte og rangerte i forkant av kåringa, og resultata for heile kommune-Noreg finn du her.
