Heim Nyhende Skal finne ny direktør

Skal finne ny direktør

– Å vere direktør i Språkrådet er ein av toppstillingane i norsk kulturliv, meiner Ottar Grepstad som no tek til som styreleiar i Språkrådet.

 

Ei av dei største oppgåvene til det nye styret blir å finne ny direktør til Språkrådet.

– Dette er staden å vere for den som vil utrette noko viktig i norsk språkpolitikk. No gjeld det berre å finne den personen som er god både med folk, språk, media og tal. Den personen skal me finne i tett samarbeid med departementet, seier Grepstad.

Han legg vekt på at styret no skal etablere eit solid samarbeid med departementet, der statsråden har og skal ha siste ordet.

– Mitt inntrykk er at alle partar synest prosessen i første runde ikkje var god nok. Då er sjansen stor for å lukkast neste gong. Alle vurderingar som blei gjorde undervegs, kjem dette arbeidet til gode, slår han fast.

– Kva blir dei største utfordringane til Språkrådet framover?

– Den største oppgåva blir å nytte alle sjansane som byd seg eller som kan skapast for å følgje opp den ambisiøse språkmeldinga som Stortinget har slutta seg til.

Grepstad viser til at Språkrådet med sine fagråd og ein administrasjon på over 30 tilsette kan utrette mykje. Likevel vil mange av oppgåvene rådet står overfor kreve at Språkrådet må spele på lag med fleire for å få til dei resultata ein treng.

– Samstundes skal me halde fram med å vere der folk er, midt i språkbruken. Berre då kan me gi gode råd til kven som helst, frå statsråden som bed om ein handlingsplan til kasseraren som bed om hjelp til å finne eit norsk ord for “outsorcing”. Midt i denne kvardagen skal det også skapast rom for nye initativ. Også difor vil direktørkontoret i Språkrådet bli beste staden å vere i norsk kulturliv dei neste åra, meiner han.

Grepstad er ikkje redd uroa den siste tida har skada Språkrådet.

– Norsk Språkråd har snart 40 år bak seg og har gjort mykje for korte ned avstanden mellom språkbrukar og språk. Omdømet til Språkrådet er godt, og mange oppfattar oss som interessante, relevante og nyttig. Ein slik organisasjon toler meir enn ei kortvarig uro om tilsetjing.

Grepstad får med seg Åse Lille Kimestad, Trond Trosterud, Åse Wetas, Sigrun Høgetveit Berg, Helene Uri, Ola T. Lånke og Kamil Øzerk i det nye styret.  

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Mellom appar og bærbare skjermar heve nynorsken mista sin heim

Kunnskapsdepartementet er asfalten nynorske løvetannbarn må sprenge seg gjennom. Alle norske elevar har lenge hatt rett til læremiddel på eige språk, men tida der eit...

Velkommen til landsting og 30-årsjubileum for LNK!

Me har gleda av å invitera dykk til landsting, årsmøte og 30-årsjubileum i Landssamanslutninga av nynorskkommunar. I år vert landstinget halde på Quality Sogndal...

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...