Norske kommunar legg æra si i meir eller mindre vellukka slagord. Klarer du å fullføra slagorda?
Då Rauma i 2011 vann Nationen si kåring av beste norske kommuneslagord meinte dåverande ordførar Torbjørn Rødstøl at slagordet «Verdens beste kommune for naturglade mennesker» har medverka til å snu trenda med fråflytting og lågare folketal.
Å ha eit godt slagord kan med andre ord gjere ein stor forskjell for kommunar som slit med omdømme og fråflytting, men det er viktig at folk kan kjenne seg att i påstanden.
Kommuneslagorda legg gjerne vekt på å fortelje kor godt det er å bu i kommunen, at dei er i vekst og utvikling eller kor ideelt plassert kommunen er. Nokre er enkle å forstå – andre ikkje.
