Heim Nyhende Kvinnene tapar listeplassane i vest

Kvinnene tapar listeplassane i vest

Vestlandet og Sørlandet har færrast kvinner på vallistene, og færrast kvinnelege listetoppar før kommunestyrevalet til hausten.

 

I september går nordmenn over heile landet til urnene i kommune- og fylkestingsvalet for å avgjera kva menn og kvinner som skal styra kommunar og fylkeskommunar dei neste fire åra. Ut frå listekandidatane å døma, ser det ut til å bli flest styrande menn.

Nynorsk pressekontor har undersøkt kjønnsfordelinga på listene til kommunestyrevala i alle kommunane i landet. I alle dei 19 fylka er det menn i fleirtal på røystesetlane: nærmare seks av ti kandidatar er menn.

Liste-likestillinga er kommen kortast i Rogaland. Her er 1.697 kandidatar, eller 40 prosent, kvinner og 2.511 kandidatar, eller 60 prosent, menn. Landsgjennomsnittet er 43 prosent kvinner og 57 prosent menn.

Også i dei andre fylka på Sør- og Vestlandet er kvinner i klart mindretal: 41 prosent av kandidatane i dei ulike kommunane i Møre og Romsdal er kvinner, og 42 prosent i Hordaland, Vest-Agder og Telemark.

I Oslo er kjønnsfordelinga jamnast, med 47 prosent kvinner og 53 prosent menn på vallistene.

LES OGSÅ:Heilt grøne på politikk

Færre kvinner på toppen
Om ein undersøkjer nærmare kven som er listetoppar på dei ulike partia sine vallister i kommunane, blir kjønnsfordelinga endå meir tydeleg. I snitt er berre tre av ti listetoppar kvinner på landsbasis.

Situasjonen er dårlegast stilt i Agder-fylka, kor berre 24 prosent (Vest-Agder) og 26 prosent (Aust-Agder) av listetoppane er kvinner.

Også i vestlandsfylka Rogaland, Hordaland, Sogn og Fjordane og Møre og Romsdal er det færre kvinner på topp enn i landet under eitt. I desse fylka er 28 prosent av toppkandidatane kvinner.

LES OGSÅ:Meiner me er klare for 16-åringar som stemmer

Personrøyster hjelper ikkje
Skeivfordeling på vallistene er ikkje noko nytt fenomen i norsk politikk.

Valforskar Ingrid Guldvik har forska på kvinner på vallistene i fleire år, og meiner at eit viktig tiltak for å få fleire kvinner på listene, er fleire kvinner i nominasjonskomiteane.

Rapporten «Personvalg ved stortingsvalg» som kom i fjor haust viser at veljarane er lite opptekne av kjønn og identitet når dei gir personrøyster ved val. Det er saker og «kjendisfaktor» som styrer.

Faktisk ville færre kvinner ha vore representerte i norske kommunestyre om personrøystene ikkje gjaldt, synte resultata frå kommunestyrevalet i 2007, då 37,5 prosent av dei innvalde politikarane var kvinner. Hadde personrøystene ikkje telt med, ville kvinnedelen vore 42,3 prosent.

LES OGSÅ:Dette bør valkampen handla om

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...