Heim Nyhende Lesarbrev: Utidig av Leselystaksjonen og Kathrine Wegge

Lesarbrev: Utidig av Leselystaksjonen og Kathrine Wegge

At leselystaksjonen ikkje har meir enn ei nynorskbok i utvalet sitt er ein ting, men at dei hevdar at det er på grunn av låg kvalitet på nynorskbøkene er usannsynleg freidig.

Dei siste åra har nynorsk barne- og ungdomslitteratur gjort reint bord i litterære prisjutdelingar, ikkje berre hos vaksne kritikarar og jurymedlem, men også hos ungdomsjuryane til Uprisen,  vunne den ungdomsjuryerte Uprisen 4 av seks gongar og Brageprisen 4 av dei 5 siste åra, noko som viser at det både er litteratur av kvalitet og som fengjar.

Les også : – Nynorskbøkene er ikkje gode nok 

Å seie at dei leita etter gode bøker på nynorsk, men ikkje fann dei, får meg til å tru at dei faktisk ikkje har leita i det heile, eller har vore så dårleg orientert i årets utgivingar, at det er grunn til bekymring. For om dei hadde gjort det, hadde dei til dømes sett Viridians blod av Lene Kaaberbøl, frå villheksserien som har stor suksess i Danmark og har vunne barnejuryprisar, eller Heilag galskap og Mennesket og dyret av Robert Muchamore, ein serie som har gått rett i fletta på lesarar frå Manglerud til Jølster, eller veterinærkrimmen Elise og mysteriet med dei døde hestane av debutanten Anne Viken, ei bok som snart må gå i nytt opplag, eller Svarte_Mathilda II av Tor Arve Røssland, oppfølgjaren til den Uprisnominerte Svarte_Mathilda I. Alle desse bøkene kjenner nynorsksenteret til og gitt gode anbefalingar på nynorskbok.no, så eg har vanskeleg for å tru at dei har gitt slike råd til Leselystaksjonen.

Om Leseaksjonen og kampanjeleiar Kathrine Wegge ikkje vil ha meir enn ei nynorskbok i utvalet sitt ,så får dei stå for det. Men dei bør halde seg for gode til å sverte forfattarane av den nynorske barnelitteraturen med løgn, ein gjeng som for tida gjer seg så godt gjeldande i det barnelitterære landskapet at andre forlag og forfattarar lurer på om vi kan dele den magiske oppskrifta med dei. Eg deler meir enn gjerne av oppskrifta med Leselystaksjonen, dei må meir enn gjerne kome for å bli oppdatert på kva som faktisk finst.

Ragnfrid Trohaug, forlagsredaktør barne – og ungdomslitteratur i Samlaget

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...