7 – 9 oktober er det klart for Litteratursymposiet i Odda. I år er det dei litterære bileta som er tema.
Til litteraturfestivalen kjem blant andre Trond Espen Seim med prologen Ein flytande bjørn av Frode Grytten, Lars Ove Seljestad, Herdis Moldøen, Brit Bildøen, Agnes Ravatn, Selma Lønning Aarø, Olaug Nilssen, Erlend Loe, Frode Grytten og Knut Nærum. Programmet er variert, og handlar om det meste frå litterære heltar som ikkje er slik som før, nytt på norsk og industrispor i litteraturen.Blant anna vil også Skrivekunstakademiet i Hordaland ha responskurs for seks deltakarar på symposiet.
Etter fem år med idealistisk innsats og utrygg økonomi, fekk Litteratursymposiet i Odda prosjektstøtte frå Visjon Vest i 2009. Midlane er øyremerka profesjonalisering av drifta og førte til at Marit Eikemo blei tilsett som festivalleiar. I fylgje sine eigne nettsider ynskjer Litteratursymposiet i Odda å bli ein vesentlig litteraturformidlar og premissleverandør i det norske litterære festivallandskapet.
Les meir om programmet her.
