Heim Nyhende Litteraturfestival med tilbod for barn og unge

Litteraturfestival med tilbod for barn og unge

Litteraturfestivalen i Fjaler vert i år skipa 6. – 8. august og nytt av året er tilbod om fortelje- og skrivekurs for barn og unge.

– Me ynskjer å få opp interessa for Jakob Sande og gjera festivalen meir relevant og synleg blant barn og unge, seier Therese Kristin Tokle, dagleg leiar i Jakob Sande-Selskapet.

Dramatikar Maria Tryti Vennerød står for skrivekurset for ungdom frå 16 – 26 år, medan forteljegruppa Klingelihorn held forteljarkurs for ungdom frå 10 – 15 år. Forteljegruppa står også for forteljarteater for barn frå 6 – 8 år.

Det er Jakob Sande-Selskapet som er arrangør av Fest i Fjaler, og festivalen har i år invitert mellom anna skodespelar Arnhild Litleré, kjønnsforskar Ellen Mortensen og lyrikar og litteraturkritikar Espen Stueland som førelesarar til årets litteraturseminar, ”Sande på diktarveg”.

Sigrid Moldestad (foto: Magnus Skrede) har på si siste plate sett melodi til eit par dikt av Jakob Sande og saman med bandet held ho konsert i auditoriet på United World College Kobberskjerkvelden.

– Fest i Fjaler har opparbeida ein tradisjon med å leiga inn musikarar som har sett melodi til Jakob Sande sine tekstar, fortel styreleiar Margrete Reisæter. Tidlegare år har mellom anna Ole Paus og Odd Nordstoga vitja festivalen.

Les meir om Fest i Fjaler her.

LNK presenterer arrangement langs Diktarvegen. Heile kulturkalenderen finn du på www.diktarvegen.no

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...

Ber om 36 millionar til nynorsk kulturløft

Nynorsk har ikkje kome godt nok ut av Støre si regjeringstid. No ber dei 21 medlemsinstitusjonane i Nynorsk forum om 36 millionar til eit...

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...