No lovar politiet i Hordaland at dei skal tvitre på nynorsk.
– Dei som tvitrar kjem til å gjera så godt dei kan på nynorsk, men inntil fleire vert trygge på å formulera seg rett så kan det verte tvitra litt mindre i ei periode, skri leiar for operativ seksjon ved Hordaland politidistrikt, Gustav Landro, i ei melding til Bergensavisen.
Ein askøyværing klaga til Språkrådet på at politiet sin operasjonssentral i Hordaland bryt mållova i sosiale medium. Operasjonssentralen har over 16 500 følgjarar.Dei aller fleste meldingane er på bokmål.
– Alle slike små mållovsaker, som Twitter-saken i Hordaland er eit døme på, kan virke små og uviktige kvar for seg. Men folk er avhengige av å sjå språket sitt over alt for å kunne holde på det, seier leiarr i Noregs Mållag, Marit Aakre Tennø, til BA.
Ho viser også til at det er mange brot på mållova, og at nynorskfolket får sjå språket sitt offentleg mykje sjeldnare enn dei har krav på.
– For etatar som virkar innanfor eit fylke er det språket til fleirtalet av kommunane som avgjer. I Hordaland blir det nynorsk, i Agder bokmål trass mange nynorskkommunar. I Noreg tel me ikkje enkeltbrukarar. Kor mange nynorskbrukarar det til dømes bur i Bergen er det ingen som veit. Heller ikkje koor mange bokmålsbrukarar som bur i Kvinnherad, seierTennø.
