Maria Parr (27) får Ole Vig-prisen for barnebøkene «Vaffelhjarte» (2005) og «Tonje Glimmerdal» (2009). I tillegg er forfattaren no heidra med Brageprisen.
Ole Vig-prisen har blitt delt ut sidan 1979 og går til ungdom mellom 20 og 35 år som har gjort ein formidabel kulturell innsats i Ole Vigs ånd, melder adressa.no. Denne veka fekk Maria Parr også Brageprisen for «Tonje Glimmerdal».
– I tillegg til den store anerkjenninga det er for ei barnebok å få Brageprisen og bli nominert til Bokhandlarprisen, gjer boka det veldig bra også internasjonalt. Det er sjeldan at ein så fersk barnebokforfattar får slikt internasjonalt gjennomslag som Maria Parr har fått med den nye boka Tonje Glimmerdal og debutboka Vaffelhjarte. Dette er stort å få vere med på, seier Ragnfrid Trohaug, redaktør for barne- og ungdomsbøker i Samlaget, til nm.no.
