Norsk Målungdom melder om ein medlemsvekst på meir enn 25 prosent frå 2011 til 2012.
Målungdommen passerte 1 000 betalande medlemer i 2012, og det er ein milepåle for organisasjonen, seier leiar Vebjørn Sture.
– Det byrjar å bli nokre år sidan me låg stabilt på dette nivået, men no er me stolte over å vera tilbake dit – og me skal veksa vidare.
– Målsaka er i bokstaveleg tala i vinden for tida. Me har møtt mykje motvind frå utdanningsstyresmaktene i spørsmålet om kva rolle sidemålsopplæringa skal spela i norskfaget, men me har sanneleg også mykje medvind frå vervande aktivistar og nyinnmelde medlemer, seier Sture vidare.
Les også: 1700 nye medlemmer i Noregs Mållag
Førebelse tal frå Noregs Målungdom viser at dei hadde 1012 medlemer ved utgangen av 2012, men tala er ikkje endeleg stadfesta av revisor enno.
Også moderorganisasjonen Noregs Mållag hadde eit svært godt år i 2012. Laget opplevde ein eventyrleg medlemsauke første halvdel av 2012 og kunne glede seg over heile 1 700 nye medlemer frå nyttår til mars 2012.
