– Frp meiner det er meiningslaust å bruke tid på tvungen sidemålsundervisning. Elevar bør sleppe å bli tvungne til å ha begge deler som eksamen på skulen, seier Ketil Solvik Olsen til TV2.
Vår og eksamenstid gir nytt liv til sidemålsdebatten. Meir enn 20 000 elevar har vore oppe i skriftleg sidemålseksamen, dei aller fleste i nynorsk, skriv VG og stiller spørsmålet om ein no ser enden på sidemålet i vidaregåande skule. Ikkje minst dersom Høgre og Frp kjem til makta.
Noko rektor ved Ski videregående skole, Anne Karin Øksnevad er samd i.
– Eg synes det er vanskeleg å seie ja eller nei for eg ser at det er såpass viktig i forhold til kulturarven vår, men for arbeidsbelastning både for lærarar og elevar, trur eg det er for mykje slik det er i dag.
– Vi meiner sidemålet er viktig. Alle i Norge må kunne det minst brukte språket og det er viktig for nynorskbrukarane at alle kjenner språket i arbeid og andre samanhengar, seier dagleg leiar i Noregs Mållag Gro Morken Endresen.
