Neste år fyller Norsk Barneblad 125 år. Det blir mellom anna markert med ei eiga jubileumsbok.
– Vi synest det var viktig å få laga ei slik bok. Sjølv om vi har funnest i 125 år har det aldri tidlegare har vore laga noko samla oversikt over kva Norsk Barneblad er og kva bladet har drive med, seier redaktør Nana Rise-Lynum til Nynorsk pressekontor.
Fleire andre synest også ideen er god. Fritt Ord har løyvt 100.000 kroner til prosjektet, medan Norsk kulturråd støttar jubileumsboka med 70.000 kroner.
Eirik Helleve på Voss har fått oppdraget med å skriva boka. Han er alt godt i gang med arbeidet.
Nana Rise-Lynum fortel at boka både kjem til å innhalda ei historisk oversikt om historia til Norsk Barneblad, portrett av dei viktigaste redaktørane og døme på innhaldet.
– Boka blir sjølvsagt også rikt illustrert. Her er det mykje å ta av, seier Barneblad-redaktøren som understrekar teikneseriane i bladet sjølvsagt får ein velfortent plass.
Ho seier boka først og fremst blir ei bok for vaksne, men at ho også kjem til å innehalda stoff som er morosamt å lesa for barn. (©NPK)
