Heim Nyhende NTNU får nynorsk-kritikk

NTNU får nynorsk-kritikk

NTNU har for lite nynorskbruk i verksemda si, går det fram av ein målbruksrapport. Men dei lovar å bli betre.

Ein rapport frå Språkrådet om målbruk i offentleg teneste for 2015 viser at NTNU i Trondheim ikkje oppfyller krava i mållova, fortel studentavisa Under dusken. Lova fastslår at bokmål og nynorsk er likeverdige målformer og skal vere sidestilt skriftspråk i alle organ for stat, fylkeskommune og kommune.

Både på ntnu.no og sosiale medium er bokmål omtrent einerådande, medan det er 34,1 prosent nynorsk på bibsys.no.

LES OGSÅ: UiO får nynorsk-refs

Krav om 25 prosent
– Blant dei viktigaste krava i mållova er at begge målformer skal vere representert med minst 25 prosent i all skriftleg kommunikasjon retta mot publikum. Alle skjema skal også finnast i begge målformer og privatpersonar har rett til å få svar i den målforma dei sjølv brukar. I tillegg skal NTNU følgje forskrifta om målform i eksamensoppgåver, som gir studentane rett til å få eksamen i eiga målform, seier Kristin Solbjør, sjef i seksjon for språk i skule og offentleg forvaltning i Språkrådet, til Under dusken.

Eline Bjørke, leiar for Studentmållaget i Nidaros, meiner det er skammeleg at NTNU brukar for lite nynorsk og ikkje prioriterer å kvalitetssikre språket.

– Det viser at dei manglar respekt for dei som bruker nynorsk, og at dei bryr seg fint lite om dei språklege rettane til studentane, seier ho.

Kommunikasjonssjef Christian Fossen ved NTNU seier at universitetet lenge har slite med for lite nynorsk.

– For å få opp bruken av nynorsk er vi jo delvis avhengige av at fleire i organisasjonen brukar nynorsk personleg. Dette er det relativt få hos oss som gjer. Det er ei leiaroppgåve å sørgje for at bruk av nynorsk skjer, men det er også ei oppgåve for alle saman å sørgje for å bli flinkare til å bruke det sjølv, seier Fossen.

LES OGSÅ: «Inga overrasking at studentane er svake i nynorsk»

Von om betring
Etter at Dusken.no skreiv at NTNU har for lite nynorskbruk har universitetet respondert gjennom facebooksida si. Her fortel dei at dei no skal ta tak i mangelen på nynorsk og gjere tiltak for å forbetre dette. Blant tiltaka har dei som mål å publisere minst kvart tredje innlegg på NTNUs facebookside på nynorsk. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...

Ber om 36 millionar til nynorsk kulturløft

Nynorsk har ikkje kome godt nok ut av Støre si regjeringstid. No ber dei 21 medlemsinstitusjonane i Nynorsk forum om 36 millionar til eit...

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...