22. august flyttar fem unge journalistar til Førde for å bli lærde opp til å bli dyktige nynorskbrukarar innan radio, tv og internett. Det er det femtande kullet som får denne opplæringa ved NRK Nynorsk mediesenter.
Praktikantane skal vere i Førde til jul, med to månader ekstern praksis etter nyttår. Dei fem på kull 15 er Agnese Bremere frå Latvia og Luster, Sondre Dalaker frå Kaupanger, Susanne Egset frå Ørsta, Lars Erik H. Andreassen frå Sandnes og Maria Pile Svåsand frå Strandebarm.
Det var 37 søkjarar til studiet og senteret hadde inne 16 av dei til konferanse.
Sidan NRK Nynorsk mediesenter blei opna i 2004 har 65 nynorskpraktikantar blitt lærde opp ved senteret. Per 18. april i år hadde 74 prosent av dei heil- eller deltidsstilling i media. Det fortel at kulla som blir lært opp ved senteret er ettertrakta i mediemarknaden, skriv Sandnesposten.
