Heim Nyhende Overfører bibliotekoppgåver

Overfører bibliotekoppgåver

Bibliotekoppgåvene skal no overførast frå ABM-utvikling til Nasjonalbiblioteket.– Dette er ikkje vår tilråding, men me vil naturlegvis lojalt fylgje opp dei vedtaka som er gjorde, seier informasjonsdirektør Atle Faye i ABM-utvikling til LNK-avisa.

Regjeringa lanserte i februar forslaget om å overføre bibliotekoppgåvene frå ABM-utvikling til Nasjonalbiblioteket. Det førte mellom anna til at styret i ABM-utvikling, som vart leia av Kari Gjesteby, trakk seg. I ei pressemelding viser den tidlegare styreleiaren til at dette endrar ABM-utvikling sitt mandat og oppgåver og dermed også oppnemninga av styret. Pressemeldinga framhevar vidare at ein no må arbeide konstruktivt for å styrkje oppgåvene ABM-utvikling framleis har på arkiv- og museumsfeltet.

– Me er avhengige av klare oppgåver. Vårt fornya mandat er det Kulturdepartementet som må gi oss, seier Faye om kva ABM-utvikling skal arbeide med framover.

Kulturpolitisk talsmann i Høgre, Olemic Thommessen, uttaler til Morgenbladet at han meiner kulturminister Anniken Huitfeldt (Ap) opptredde arrogant då ho berre informerte Stortinget om avgjerda utan opne for tilstrekkeleg bibliotekfagleg eller politisk debatt om den.

– Men eg la fram dei faglege argumenta, noko han insisterte på at eg aldri gjorde. Eg sa at det på nokre område i Kultur-Noreg er dobbel administrasjon, og at dette er uheldig. Me har hatt eit manglande samarbeid og dårleg koordinering mellom ABM-utvikling og Nasjonalbiblioteket. Eg ser det som ein fordel at operative og rådgjevande organ er samla i eit sterkt fagmiljø, seier Huitfeldt til Morgenbladet.

Kulturdepartementet vil fullføre flyttinga av bibliotekoppgåvene frå ABM-utvikling innan 1. juli, skriv Norsk Bibliotekforening på sine nettsider.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...