Det blir stadig vanlegare å bruke sj-lyd der ein tidlegare brukte kj-lyden. Språkforskar Inge Særheim trur likevel ikkje det vil påverke skriftspråket.
Det er nemleg ikkje uvanleg å høyre ord som sjino og sjysten bli brukt i radio og på TV, skriv NRK Rogaland.
–Eigentleg kjem dette frå Oslo og har spreidt seg til storbyar som Bergen, Trondheim og Stavanger, seier Særheim.
Det er spesielt dei unge som nyttar dette språket.
– SMS-språket som dei yngste brukar er tett opp til dialektane. Det er fritt. Dei skriv slik som dei snakkar og føler seg frie til å bryte reglane. Dei veit jo korleis dei skal stave det i rettskriving og gjer nok det i skulearbeidet, seier Særheim som ikkje trur denne trenden vil påverke skriftspråket i noko stor grad.
