Berre fire av ti kommunar har avtalar med frivillige organisasjonar om kva som skal gjerast i ekstremvêrsituasjonar, ifølgje ein ny rapport. Røde Kors er uroa.
Organisasjonen har utarbeidd rapporten – som blir lagt fram under Arendaluka torsdag – i samarbeid med Meteorologisk institutt og Noregs vassdrags- og energidirektorat (NVE).
– Endringane i vêret vil sette oss på nye prøvar og vil få konsekvensar for beredskapsarbeidet både for kommunar og frivillige organisasjonar, seier generalsekretær Åsne Havnelid i Røde Kors til Aftenposten.
– Kunnskap om lokale forhold og rask respons er nødvendig for å avverje menneskelege og store materielle skadar, fortset generalsekretæren.
Ifølgje rapporten har berre tre av ti kommunar både varslingsrutinar og skriftlege avtalar med frivillige organisasjonar, medan to av ti kommunar manglar begge deler. (©NPK)
