Regjeringa vil gjere kontakten mellom folk og forvaltning digital.
– Me skal bruke informasjonsteknologi for å gjere offentlege tenester betre, enklare og meir effektive. Me vil møte folk og næringsliv der dei er, når dei ynskjer. Med ein digitalisert forvaltning vil me effektivisere måten det offentlege jobbar på og frigjere ressursar til dei store velferdsoppgåvene, seier statsminister Jens Stoltenberg i ei pressemelding.
Regjeringa ynskjer no at den digitale kommunikasjonen skal vere hovudregelen for kommunikasjonen med forvaltninga. Innbyggjarane må aktivt velje papirløysingar dersom dei ynskjer det.
No blir det arbeidd med å endre forvaltningslova for å fjerne hindre mot digitalisering, etablering av ein digital postkasse og tryggleikstiltak.
– Eit godt døme på dei nye ordningane er at Vegvesenet nå avviklar ordninga med oblat på køyretøy, og i staden sjekkar digitalt om årsvavgifta er betalt, seier Stoltenberg.
– 90 prosent av oss brukar internett kvar dag. Nå ynskjer me at staten fullt ut digitaliserer tenestene sine og kommuniserer på ein god måte med brukarane, der dei er, nemleg på nettet. Det trur eg dei forventar, seier fornyingsminister Rigmor Aaserud.
