Kulturminister Anniken Huitfeldt (Ap) har sett saman ei gruppe som saman med kulturinstitusjonane skal arbeide for breiare mangfald.
Målet med arbeidet er å oppnå større sosial inkludering ved å gjere mottakarane av statlege kulturstøtte meir bevisst på sine eigne strategiar i arbeidet, skriv Kulturdepartementet på sine nettsider.
– Ein må sjå gruppa i samanheng med departementet si overordna målsetjing om å gjere kulturelt mangfald til eit gjennomgåande trekk ved institusjonen , seier kulturministeren i ei pressemelding.
I dag rapporterer også institusjonane om arbeid med kulturelt mangfald i program, i forhold til publikum- og personalpolitikk. No skal den nye gruppa kome med innspel til departementet om korleis institusjonane og departementet kan bidra til at ein når denne målsetjinga. Spørsmål gruppa skal ta opp er blant anna korleis institusjonane arbeider for å nå minioritetspublikum, korleis dei arbeider for brei rekruttering av tilsette, og ikkje minst kva føringar dette legg på institusjonane sine kunstneriske produksjonar.
