I dag er fristen for å melde seg på landstinget til LNK på Gol i Hallingdal 4. og 5. juni.
Tema i år er omdømmebygging i kommunane og hovudinnleiar er omdømmeguru Ole Christian Apeland fra kommunikasjonsbyrået med same namn. Han vil ta eit oppgjer med det han kallar den kommunale omdømmefeigheita.
Andre innleiarar er ordførar Jan Geir Solheim i Lærdal, som spør om omdømme berre er systematisk arbeid, eller om det også er tufta på historie, kultur og tilfeldige hendingar. Administrasjonssjef Ola Helstad i Lom kommune skal fortelle om erfaringane med omdømmebygging i sin kommune.
Ulrikke Ytterborg skal gjere det same om omdømmearbeid i Hallingdal, og Elin Wetås de Jara vil dele sine røynsler rundt strategisk arbeid med språket i ein kommune. Torsdag 4. juni blir avrunda med paneldebatt om omdømme. I panelet sit Apeland, Solheim, Helstad og Wetås de Jara.
Fredag 5. juni blir det utdeling av pris for offentleg målbruk før omdømmeleiar, mentor og motivator Rasmus Mo i Sogndal Fotball tek oss med på det å vere gode på samhandling.
Prosjektet «Hått Halling» har som mål å auka kunnskapen om og interessa for nynorsk og dialekt blant born og unge i Hallingdal-kommunane, og Heidi Molstad Andresen vil kome på scena etter Mo for å fortelje om prosjektet.
NRK sin Finn Tokvam avrundar med kåseri og humor. Meld deg på i dag!
Du kan melde deg på her: http://laerdalnu.pameldingssystem.no/lnk-landsting-2015
Du kan lese programmet her: http://www.lnk.no/images/bilder/PDF/LNKlandsting2015_program_og_invitasjon.pdf
