Ei arbeidsgruppe nedsett av Stortinget skal jobbe med å få Grunnlova til å framstå i ei meir forståeleg språkdrakt.
Oppdraget deira er å utarbeide nye, språkleg oppdaterte versjonar av lova på eit tidsmessig nynorsk og bokmål. Dei to målversjonane skal vere likestilte og ha same rettslege status, heiter det i mandatet.
I tillegg skal gruppa også omsetje og kvalitetssikre lovforslag som er sett fram eller som blir sett fram før Stortinget bryt av forhandlingane i juni i år.
Les også: Nynorsk rettskriving på utstilling
Desse er med i arbeidsgruppa:
Professor og dekan Hans Petter Graver, juridisk fakultet, UiO (leiar)
Førsteamanuensis Eirik Holmøyvik, juridisk fakultet, UiB
Rådgjevar Øystein Baardsgaard, Språkrådet
Rådgjevar Bård Eskeland, Språkrådet
Spesialrådgjevar Kyrre Grimstad, administrasjonen i Stortinget
Gruppa skal leggje fram ein rapport med forslag til nye versjonar av Grunnlova for presidentskapen i Stortinget seinast 17. september i år.
Les også: Grunnlova på nynorsk
