Framtida.no lyser ut skrivekonkurranse for ungdom. Temaet er «Makt over eiga framtid».
Ungdom opp til 19 år kan vere med og sende inn tekstar i konkurransen. Du kan velje å skrive innafor sjangrane kåseri, artikkel, kronikk eller petit, og maks lengde på teksten er 3 500 ord.
Framtida.no føreslår fleire innfallsvinklar til temaet i skrivetevlinga. Du skrive om stemmerett for 16-åringar, ungdomsråd og politiske parti eller andre område som er med og set fokus på korleis ungdom får meir makt over eigen kvardag.
Innleveringsfrist er 4. desember, og beste skribent får 5 000 kroner i premie.
– Me vil leggje vekt på korleis personen argumenterer, korleis personen skriv og om teksten er engasjerande. Utanom beste tekst, vil ti utvalde også få bokpremiar, seier prosjektleiar for Framtida.no, Svein Olav Langåker, til Avisa Hordaland.no.
