Haugesund og Narvik ankar ikkje saka mot irske Depfa Bank og må betale 260 millionar kroner som eit resultat av Terra-saken.
Kommunane tapte andre rettsrunde mot banken i London, og dommen er ifølgje Finansavisen no blitt rettskraftig.
Strategien til dei to kommunane, som har tapt store pengar på lånefinansierte investeringar i amerikanske kredittpapir, har vore å hevde at låna var gitt i strid med lova. Dette fekk dei ikkje medhald i.
DnB NOR, som har saksøkt sju av åtte Terra-kommunar for misleghald av lån, registrerar utfallet av London-saka med interesse.
Men saka er ikkje over. Også deira søksmål er sett på vent som følgje av ein varsla rettsprosess mellom kommunane og Citigroup i New York. (©NPK)
