Korleis kan kommunane saman med frivillig sektor vera med å skapa gode og inkluderande lokalsamfunn? Det er noko kommunane skal vera med å diskutera på Kommunalpolitisk toppmøte i KS 15.– 17. februar.
– Eit fleirkulturelt foreiningsliv kan bidra til auka integrering i kommunane. På dette området ligg det nok eit ubrukt potensial som kan koma alle til gode viss vi klarar å samarbeida på rett måte, seier rådgjevar Christian Hellevang i KS, interesseorganisasjonen til kommunane til nettsida for organisasjonen.
Han peikar på at Noreg er i verdstoppen i frivillig arbeid og at etniske nordmenn og etniske minoritetar er omtrent like aktive i dette arbeidet.
– Frivillig arbeid, både i dei eigne organisasjonane til minoritetsbefolkninga og i dei tradisjonelle organisasjonane bidreg til integrering i det norske samfunnet, seier Hellevang. (©NPK)
LES OGSÅ: Integrering via fotballen
