Kvart år får norske skular drøssevis av tilbod om undervisningsmateriell. Om ein vil jobbe med miljø, nord-sør spørsmål, rus eller mobbing, så er det bare å velje, skriv Utdanningsnytt.no.
Så framt ein ikkje er ein av dei 80.000 elevane i landet som har nynorsk som hovudmål. Då er det ikkje mykje å velje i. Det aller meste som blir lansert er berre på bokmål.
– Vi får jamt inn klager frå elevar og lærarar som mottar undervisningsmateriell bare på bokmål, uttaler leiar i Noregs Mållag, Håvard B. Øvregård.
Skuleaksjonen Hei Verden har tatt tilbakemeldinga frå oppgitte lærarar på alvor, og lanserer nå kampanjen «Snakk så eg forstår» Alt undervisningsmateriell knytt til kampanjen (over 70 sider) er på nynorsk. Kampanjen blir lansert 2. September av Arne Garborg alias Sigve Bøe frå Det norske teater på Garborgsenteret.
– Vi er veldig glade for at Hei Verden gjennom kampanjen «Snakk så eg forstår» har synt at ein kan ta alle elevane på alvor, seier Øvregård.
– Mållaget ønskjer at materiell som bare kjem på bokmål vert returnert. Rett til opplæring på nynorsk må følgjast opp med at alt undervisningsmateriell er tilgjengeleg på nynorsk. Om friviljuge og ideelle organisasjonar vil ha innpass i skulen med sitt undervisningsmateriell må dei følgje spelereglane og syte for at det finst på både nynorsk og bokmål.
