Noregs mållag vil ha momsfritak på e-bøker frå 2012. Det er eit naudsynt tiltak for å sikre norsk språk på ein ny arena, seier mållaget i ei pressemelding.
Det blir ikkje seld så mange norske e-bøker per i dag, men det hastar likevel med å få på plass ei ordning med momsfritak, meiner organisasjonen. Norske e-bøker vil stå seg dårleg i konkurranse med engelskspråklege e-bøker, både når det gjeld pris og utval. Noregs mållag bed no regjeringa og stortinget om å leggje språkpolitiske omsyn til grunn og syte for momsfritak på norske e-bøker frå 2012.
